Qazaqstan Respýblıkasy Ishki ister mınıstrliginiń buıryǵy  №281

2016 jylǵy 18 naýryz,  Astana qalasy Quqyq qorǵaý organdarynyń jáne memlekettik feldegerlik qyzmet qyzmetkerlerin, olarmen birge turatyn otbasy múshelerin, zeınetkerlerin jáne kórsetilgen organdardyń qyzmettik mindetterin atqarý kezinde qaza tapqan qyzmetkerleriniń balalaryn olar kámelettik jasqa tolǵanǵa deıin Astana jáne Almaty qalalarynda ornalasqan respýblıkalyq vedomstvolyq medısınalyq uıymdarǵa jiberý qaǵıdalaryn bekitý týraly «Quqyq qorǵaý organdarynyń qyzmetkerlerine jáne olarmen birge turatyn otbasy múshelerine, zeınetkerlerine, sondaı-aq qyzmettik mindetterin atqarý kezinde qaza tapqan qyzmetkerlerdiń balalaryna olar kámelettik jasqa tolǵanǵa deıin tıisti memlekettik densaýlyq saqtaý uıymdarynda medısınalyq jáne sanatorıı-kýrorttyq qyzmet kórsetý qaǵıdalaryn bekitý týraly» Qazaqstan Respýblıkasy Úkimetiniń 2016 jylǵy 18 aqpandaǵy qaýlysynyń 8-tarmaǵyna sáıkes buıyramyn: 1. Qosa usynylǵan Quqyq qorǵaý organdarynyń jáne memlekettik feldegerlik qyzmet qyzmetkerlerin, olarmen birge turatyn otbasy múshelerin, zeınetkerlerin jáne kórsetilgen organdardyń qyzmettik mindetterin atqarý kezinde qaza tapqan qyzmetkerleriniń balalaryn olar kámelettik jasqa tolǵanǵa deıin Astana jáne Almaty qalalarynda ornalasqan respýblıkalyq vedomstvolyq medısınalyq uıymdarǵa jiberý qaǵıdalary bekitilsin. 2. Qazaqstan Respýblıkasy Ishki ister mınıstrliginiń Tyl departamenti (S.V. Kavernıkov): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqtyń kóshirmelerin baspa jáne elektrondy túrde Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdaryna jáne «Ádilet» aqparattyq-quqyqtyq júıesine, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin tirkelgen buıryqty alǵannan keıin bes jumys kúni ishinde Respýblıkalyq quqyqtyq aqparat ortalyǵyna resmı jarııalaýǵa jiberýdi; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde osy buıryqtyń 2-tarmaǵy 1), 2), 3) tarmaqshalarynda kózdelgen is-sharalardyń oryndalǵany týraly málimetterdi Qazaqstan Respýblıkasy Ishki ister mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary B.B. Bısenqulovqa jáne Qazaqstan Respýblıkasy Ishki ister mınıstrliginiń Tyl departamentine (S.V. Kavernıkov) júktelsin. 4. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasy Ishki ister mınıstri Q.QASYMOV Qazaqstan Respýblıkasy Ishki ister mınıstriniń 2016 jylǵy 18 naýryzdaǵy №281 buıryǵymen bekitilgen Quqyq qorǵaý organdarynyń jáne memlekettik feldegerlik qyzmet qyzmetkerlerin, olarmen birge turatyn otbasy múshelerin, zeınetkerlerin jáne kórsetilgen organdardyń qyzmettik mindetterin atqarý kezinde qaza tapqan qyzmetkerleriniń balalaryn olar kámelettik jasqa tolǵanǵa deıin Astana jáne Almaty qalalarynda ornalasqan respýblıkalyq vedomstvolyq medısınalyq uıymdarǵa jiberý qaǵıdalary 1. Jalpy erejeler 1. Osy Qaǵıdalar «Quqyq qorǵaý organdarynyń qyzmetkerlerine jáne olarmen birge turatyn otbasy múshelerine, zeınetkerlerine, sondaı-aq qyzmettik mindetterin atqarý kezinde qaza tapqan qyzmetkerlerdiń balalaryna olar kámelettik jasqa tolǵanǵa deıin tıisti memlekettik densaýlyq saqtaý uıymdarynda medısınalyq jáne sanatorıı-kýrorttyq qyzmet kórsetý qaǵıdalaryn bekitý týraly» Qazaqstan Respýblıkasy Úkimetiniń 2016 jylǵy 18 aqpandaǵy № 78 qaýlysynyń 8-tarmaǵyna sáıkes ázirlendi. 2. Qaǵıdalar prokýratýra, ishki ister organdary, sybaılas jemqorlyqqa qarsy qyzmet, ekonomıkalyq tergeý qyzmet jáne memlekettik feldegerlik qyzmet qyzmetkerlerin, olarmen birge turatyn otbasy múshelerin, zeınetkerlerin jáne kórsetilgen organdardyń qyzmettik mindetterin atqarý kezinde qaza tapqan qyzmetkerleriniń balalaryn olar kámelettik jasqa tolǵanǵa deıin (budan ári - kontıngent) dıagnostıkanyń, emdeýdiń jáne medısınalyq ońaltýdyń arnaıy ádisterin talap etetin medısınalyq kórsetkishter bolǵan jaǵdaıda Astana jáne Almaty qalalarynda ornalasqan respýblıkalyq vedomstvolyq medısınalyq uıymdarǵa emdeýge jatqyzýǵa jiberý tártibin anyqtaıdy. 2. Kontıngentti Astana jáne Almaty qalalarynda ornalasqan respýblıkalyq vedomstvolyq medısınalyq uıymdarǵa jiberý 3. Kontıngentti ishki ister organdarynyń medısınalyq uıymdary mynadaı respýblıkalyq vedomstvolyq medısınalyq uıymdarǵa stasıonarlyq em alýǵa jiberýdi júzege asyrady: 1) Astana qalasynda ornalasqan «Qazaqstan Respýb­lıkasy Ishki ister mınıstrliginiń Emhanasy bar ortalyq gospıtali» memlekettik mekemesi (budan ári – EbOG); 2) Almaty qalasynda ornalasqan «Qazaqstan Respýb­lıkasy Ishki ister mınıstrliginiń Qazaqstan sanatorııi» aksıonerlik qoǵamynyń stasıonary. 4. Táýlik boıy medısınalyq baqylaýmen bilikti jáne mamandandyrylǵan medısınalyq kómek kórsetý qajettiligi emdeýge jatqyzý úshin kórsetim bolyp tabylady. 5. Respýblıkalyq vedomstvolyq medısınalyq uıymdarǵa kontıngentti emdelýge jatqyzý: 1) josparly tártipte Ishki ister mınıstrliginiń Tyl departamenti Medısınalyq basqarmasynyń (budan ári - Basqarma) jazbasha ruqsatymen; 2) shuǵyl kórsetim boıynsha – joldamanyń bar-joǵyna qaramastan júzege asyrylady. Shuǵyl medısınalyq kómek kórsetý qajet etetin kontıngentke respýblıkalyq vedomstvolyq medısınalyq uıymdarǵa emdelýge jatqyzý dereý júrgiziledi. 6. Astana qalasynyń IID emhanasyna bekitilgen kontıngentti EbOG-ge jáne Almaty qalasynyń IID emhanasyna bekitilgen kontıngentti «Qazaqstan sanatorııi» AQ-ǵa stasıonarlyq em alýǵa jiberýdi emhanalar derbes júzege asyrady. 7. Ishki ister departamentteriniń medısınalyq bólim­deri (toptary) kontıngentti respýblıkalyq vedomstvolyq medısınalyq uıymdarǵa jiberýdiń sebepterin negizdeı otyryp, Basqarmaǵa jazbasha suraý salý jiberedi. Bul rette «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) 025/e nysan boıynsha ambýlatorııalyq syrqattyń medısınalyq kartasynan tolyq kóshirmesi qosa beriledi. Ishki ister organdarynyń medısınalyq uıymdarynda joq jabdyqtardy qoldanyp júrgiziletin zertteýler (kompıýterlik, magnıtti-rezonanstyq tomografııa, ýltradybystyq zertteýlerdiń jeke túrleri jáne basqalar) kontıngentti respýblıkalyq vedomstvolyq medısınalyq uıymdarǵa qatań túrde kórsetim boıynsha emdelýge jatqyzǵanda júzege asyrylady. 8. Emdelýge jatqyzýǵa jazbasha suraý salý túskende Basqarma respýblıkalyq vedomstvolyq medısınalyq uıymdardan bos tósek-orynnyń bolýy jáne tıisti beıin boıynsha kontıngentke medısınalyq kómek kórsetýdiń múmkindigi týraly aqparat suraıdy. 9. Basqarmanyń suraý salýdy qaraý merzimi bes jumys kúnin quraıdy. 10. Medısınalyq bólimder (toptar) Basqarmanyń jazbasha oń sheshimin alǵannan keıin kontıngentti kórsetilgen emdeýge jatqyzý kúnine sáıkes respýblıkalyq vedomstvolyq medısınalyq uıymdarǵa jiberedi. 11. Kontıngentti emdeýge jatqyzýdan bas tartý Qazaqstan Respýblıkasynyń Densaýlyq saqtaý jáne áleýmettik damý mınıstriniń 2015 jylǵy 29 qyrkúıektegi № 761 buıryǵymen (Normatıvtik quqyqtyq aktilerdi memlekettik tirkeý tiziliminde № 12204 bolyp tirkelgen) (budan ári - № 761 buıryq) bekitilgen Stasıonarlyq kómek kórsetý qaǵıdalarynyń 33-tarmaǵyna sáıkes júzege asyrylady. 12. Emdeýge jatqyzý kúni kontıngentte: 1) № 761 buıryqpen bekitilgen nysan boıynsha stasıonarǵa jatqyzýǵa joldama; 2) ambýlatorııalyq syrqattyń medısınalyq karta­synyń kóshirmesi; 3) merzimderi kúntizbelik 10 kúnnen aspaıtyn zerthanalyq zertteýler nátıjeleri (qannyń jalpy taldaýy, neseptiń jalpy taldaýy, mıkroreaksııa) jáne elektrokardıogramma (EKG) bolýy kerek. Zerthanalyq zertteýlerdiń merzimderi ótip ketken jaǵdaıda taldaýlar belgilengen emdeýge jatqyzý kúnine taıaý qaıtalanady. Josparly operasııalyq emdelý kezinde – qosymsha qannyń adamnyń ımmýnıtet tapshylyǵy vırýsynyń (AITV) ınfeksııasyna qaraý nátıjeleri, V jáne S gepatıtterine markerler. 13. Respýblıkalyq vedomstvolyq medısınalyq uıymnan shyǵarǵan jaǵdaıda kontıngentke stasıonarlyq syrqattyń medısınalyq kartasynan kóshirmesi beriledi, onda tolyq klınıkalyq dıagnoz, ótkizilgen dıagnostıkalyq zertteýler, emdeý is-sharalary kólemi jáne emdeý men qaraýdy odan ári jalǵastyrý týraly usynymdar beriledi. Buıryq Qazaqstan Respýblıkasynyń Ádilet mınıstrliginde 2016 jylǵy 25 sáýirde Normatıvtik quqyqtyq kesimderdi memlekettik tirkeýdiń tizilimine №13624 bolyp engizildi.